మా బతుకులపై కొట్టొద్దు.. హోం మంత్రి నియోజకవర్గంలో నిరసనలు

బల్క్ డ్రగ్ పార్క్‌కు వ్యతిరేకంగా హోం మంత్రి వంగలపూడి అనిత నియోజకవర్గంలో ప్రజల నిరసన తెలుపుతున్నారు. అనకాపల్లి జిల్లా నక్కపల్లి మండలం రాజయ్యపేట గ్రామంలోని ప్రజలు రెండు రోజులుగా నిరసన చేపడుతున్నారు. మత్స్యకారులు మెడకు ఉరితాడు కట్టుకొని నిరసన తెలుపుతున్నారు. బల్క్ డ్రగ్ పార్క్‌కు వ్యతిరేకంగా స్థానిక గ్రామస్థుల ఆందోళన చేస్తున్నారు. దీంతో ఈ గ్రామం పూర్తిగా పోలీసుల వలయంలోకి వెళ్లిపోయింది. బల్క్ డ్రగ్ కంపెనీలు వస్తే మా బతుకుదెరువు పోతుందని స్థానికులు ఆందోళ వ్యక్తం చేస్తున్నారు. మా బతుకులపై కొట్టొద్దని మత్స్యకారులు వేడుకుంటున్నారు. బల్క్ డ్రగ్ పార్క్ ఏర్పాటును ఎట్టి పరిస్థితుల్లో అంగీకరించేది లేదని స్పష్టం చేస్తున్నారు.