మహిళలు, యువతుల అదృశ్యంపై పవన్ కళ్యాణ్ ట్వీట్.. హోంమంత్రి రియాక్షన్

ఏపీలో మహిళలు, యువతుల అదృశ్యం గురించి డిప్యూటీ సీఎం పవన్ కళ్యాణ్ మరోసారి స్పందించారు. విజయవాడ పోలీసులు 18 మిస్సింగ్ కేసులను ఛేదించడాన్ని అభినందించిన పవన్ కళ్యాణ్.. ఈ సందర్భంగా గత వైసీపీ ప్రభుత్వంపై విమర్శలు చేశారు. గత వైసీపీ హయాంలో 30 వేలమంది మహిళలు, యువతులు అదృశ్యమైనా ఎలాంటి చర్యలు తీసుకోలేదన్న పవన్ కళ్యాణ్.. ప్రస్తుత ఎన్డీఏ కూటమి సర్కారు మహిళల భద్రతకు పెద్దపీట వేస్తోందన్నారు. మరోవైపు పవన్ కళ్యాణ్ ట్వీట్‌కు హోంమంత్రి వంగలపూడి అనిత ధన్యవాదాలు తెలియజేశారు.