మరింత రుచిగా, నాణ్యంగా శ్రీవారి అన్నప్రసాదం.. టీటీడీ కీలక చర్యలు..

తిరుమల శ్రీవారి అన్నప్రసాదాన్ని మరింత నాణ్యంగా, రుచికరంగా భక్తులకు అందించేందుకు టీటీడీ చర్యలు చేపడుతోంది. ఇందులో భాగంగా తిరుమలకు ముడి సరుకులు సరఫరా చేసే రైస్, దాల్ మిల్లర్లతో టీటీడీ ఏఈవో వెంకయ్య చౌదరి మంగళవారం సమావేశమయ్యారు. ఈ సందర్భంగా ముడిసరుకుల నాణ్యతలో రాజీకి తావులేదని స్పష్టం చేశారు. ఎంపానల్ వ్యవస్థ ద్వారా ముడిసరుకుల కొనుగోలులో పారదర్శకత పెంచేందుకు కృషి చేస్తున్నట్లు వివరించారు.