పోలీస్ వేషం చూసి మోసపోకు.. అది నమ్మి మునిగిపోకు: సీపీ సజ్జనార్

సైబర్ నేరగాళ్లు 'డిజిటల్ అరెస్ట్' పేరుతో ప్రజలను ఎలా మోసం చేస్తున్నారో తెలియజేసే వీడియోను హైదరాబాద్ సీపీ సజ్జనార్ షేర్ చేశారు. నకిలీ పోలీసు అధికారులుగా నటిస్తూ.. వీడియో కాల్స్ ద్వారా అమాయక ప్రజలను భయపెట్టి డబ్బులు వసూలు చేయడం ఈ స్కామర్ల అసలు నైజమని వారి పట్ల జాగ్రత్తగా ఉండాలని సూచించారు. భారతీయ చట్టంలో డిజిటల్ అరెస్ట్ అనే పదమే లేదని.. ఇది కేవలం నేరగాళ్లు సృష్టించిన భయం మాత్రమేనని అన్నారు.