పుట్టలో గిరి నాగుల సరసాలు.. వామ్మో.. ఒక్కోటి 12 అడుగుల పొడవు..

అనకాపల్లి జిల్లా దేవరాపల్లి మండలంలో శనివారం వేర్వేరు ప్రాంతాల్లో 3 గిరి నాగులు స్థానికులను హడలెత్తించాయి. మారేపల్లి సమీపంలోని పొలాల్లో రెండు గిరి నాగులు, మరో చోట ఒక గిరి నాగును స్థానికులు గుర్తించారు. ఈస్ట్రన్‌ గార్డ్స్‌ వైల్డ్‌ లైఫ్‌ సొసైటీతోపాటు అటవీశాఖ అధికారులకు సమాచారం ఇచ్చారు. అక్కడకు చేరుకున్న స్నేక్‌ క్యాచర్లు గంటన్నరపాటు శ్రమించి పుట్టలో దూరిన ఆ పాములను బయటకు రప్పించి.. పట్టుకున్నారు.