పాతబస్తీలో భారీ అగ్నిప్రమాదం.. మంటల్లో నెలల చిన్నారి.. చివరకు..

నగరంలోని పాతబస్తీలో భారీ అగ్ని ప్రమాదం జరిగింది. మహారాజ్‌గంజ్‌లోని ఒక ప్లాస్టిక్ గోదాములో మంటలు చెలరేగి మూడు అంతస్తుల భవనానికి వ్యాపించాయి. ఈ ప్రమాదంలో చిక్కుకున్న వారిని రక్షించడానికి, మంటలను అదుపు చేయడానికి అగ్నిమాపక సిబ్బంది తీవ్రంగా ప్రయత్నిస్తున్నారు. ఈ భవనంలోని మొదటి అంతస్తులో డిస్పోజబుల్ ప్లేట్ల గోదాము ఉండగా.. రెండవ అంతస్తులో యజమాని నివాసం, మూడవ అంతస్తులో అద్దెకు ఉంటున్న మరో కుటుంబం ఉన్నాయి. ప్లాస్టిక్ వస్తువులు ఉండటం వల్ల మంటలు తీవ్రంగా వ్యాపించాయి. మంటలను ఆర్పేందుకు అగ్నిమాపక సిబ్బంది అత్యాధునిక రోబోలను ఉపయోగిస్తున్నారు.