నాన్‌వెజ్ ప్రియులకు బ్యాడ్ న్యూస్.. చికెన్ రాబోయే రోజుల్లో మరింత ప్రియం.. కారణాలివే..

తెలుగు రాష్ట్రాలలో చికెన్ రేట్లు కొండెక్కాయి. రెండు వారాల కిందటి వరకూ కేజీ రూ.300లోపు ఉన్న చికెన్ ధర.. ఇప్పుడు రూ.350 దాటిపోయింది. కొన్నిచోట్ల రూ.370 వరకూ పలుకుతోంది. అయితే రాబోయే రోజులలో చికెన్ రేట్లు మరింత పెరుగుతాయని వ్యాపార వర్గాలు చెప్తున్నాయి. పెరుగుతున్న ఉష్ణోగ్రతలు, తగ్గిన ఉత్పత్తి, దాణా ఖర్చు వంటి కారణాలతో రాబోయే రోజులలో చికెన్ రేటు పెరిగేందుకు అవకాశం ఉందని అంచనా వేస్తున్నాయి.