తెలంగాణ వెదర్ అప్టేట్.. ఈ జిల్లాల్లో భారీ వర్షాలు, ఆరెంజ్ అలర్ట్ జారీ

తెలంగాణకు హైదరాబాద్ వాతావరణశాఖ చల్లని కబురు చెప్పింది. ఉత్తర, మధ్య, తూర్పు జిల్లాల్లో ఇవాళ మధ్యాహ్నం నుంచి రాత్రి వరకు విస్తారంగా మోస్తరు నుంచి భారీ వర్షాలు కురిసే అవకాశం ఉందని హెచ్చరించింది. హైదరాబాద్‌తో పాటు చుట్టుపక్కల జిల్లాల్లో చెదురుమదురుగా వర్షాలు పడనున్నాయని అధికారులు అంచనా వేశారు. గత 24 గంటల్లో నిజామాబాద్, మెదక్, ఆసిఫాబాద్‌లలో భారీ వర్షాలు కురవగా.. సిర్పూర్‌లో అత్యధికంగా 101.5 మిమీ వర్షపాతం నమోదైంది. హైదరాబాద్‌లోని పశ్చిమ, ఉత్తర ప్రాంతాల్లో నిన్న రాత్రి వర్షం కురవగా.. గోల్కొండలో 16.5 మిమీ వర్షపాతం నమోదైంది.