ట్రాన్స్‌జెండర్ల సేవలు ఉపయోగించుకోనున్న ప్రభుత్వం.. హోంగార్డుల తరహాలో..!

రోడ్ల మీద వెళ్తున్నప్పుడు.. రైళ్లలో ప్రయాణం చేస్తున్నప్పుడు ట్రాన్స్‌జెండర్లు తారసడగానే.. మన జేబులో నుంచి ఎంతో కొంత మొత్తం తీసి వారి చేతుల్లో పెడుతుంటాం. కానీ ఇకపై హైదరాబాద్ నగరంలో ట్రాఫిక్ కూడళ్ల వద్ద ట్రాన్స్‌జెండర్లు కనిపిస్తే.. మీరు ఇలా చేయాల్సిన అవసరం ఉండదు. వారి ఆదేశాలకు అనుగుణంగా వాహనం నడిపితే సరిపోతుంది. నగరంలో ట్రాఫిక్ నియంత్రణకు ట్రాన్స్‌జెండర్ల సేవలను వాడుకోవాలని సీఎం రేవంత్ రెడ్డి అధికారులను ఆదేశించడమే దీనికి కారణం.