టీడీపీలో భగ్గుమన్న వర్గ విభేదాలు.. మంత్రి లోకేష్ ఫ్లెక్సీలు ధ్వంసం

ఏపీ మంత్రి నారా లోకేష్ జన్మదిన సందర్భంగా అన్నమయ్య జిల్లాలోని పలు ప్రాంతాల్లో తెలుగుదేశం పార్టీ శ్రేణులు ఫ్లెక్సీలు ఏర్పాటు చేశారు. తంబళ్ళపల్లి, మొలకలచెరువు, బి.కొత్తకోట పట్టణంలో ఏర్పాటు చేసిన ఫ్లెక్సీలను గుర్తు తెలియని వ్యక్తులు చించివేశారు. గత కొంతకాలంగా పట్టణాల్లో ఫ్లెక్సీల రగడ కొనసాగుతోంది. మరోవైపు నియోజకవర్గ తెలుగుదేశం పార్టీ ఇంఛార్జ్ ఫోటో లేకుండా ఫ్లెక్సీలు ఏర్పాటు చేయడంపై జయ చంద్రారెడ్డి అనుచరులు ఆగ్రహం వ్యక్తం చేస్తున్నారు.