చైన్ స్నాచింగ్ చేసిన కానిస్టేబుల్.. చితక్కొట్టిన జనం

నంద్యాల జిల్లా డోన్‌లో ఓ కానిస్టేబుల్ రెచ్చిపోయాడు. అంగట్లో కూర్చున్న ఓ మహిళ మెడలో నుంచి ఐదు తులాల గోల్డ్ చైన్‌ను బలవంతంగా లాక్కున్నాడు. ఇది గమనించిన మహిళ పెద్దగా అరవడంతో స్థానికులు అతడిని పట్టుకుని చితక్కొట్టారు. అనంతరం పోలీసులకు అప్పగించారు. అయితే, తాగిన మైకంలో హెల్మెట్ పెట్టుకుని ముసుగు ధరించి చైన్ స్నాచింగ్‌కు పాల్పడినట్టు తెలుస్తోంది. ఈయన డోన్‌లోనే కానిస్టేబుల్‌గా పనిచేస్తున్నట్టు సమాచారం.