చీటీల వ్యాపారి మరణం.. శవాన్ని కదలినవ్వకుండా హైడ్రామా

ఆంధ్రప్రదేశ్‌లోని అనకాపల్లి జిల్లా మాకరవరపాలెంలో నివాసం ఉంటున్న గొలుగూరి వెంకటరామారెడ్డి మూడు దశాబ్దాలుగా చీటీలు, వడ్డీ వ్యాపారం చేస్తున్నారు. ఆయనకి భార్య, ఇద్దరు కుమార్తెలు ఉన్నారు. కుమార్తెలు ఇద్దరికీ పెళ్లిళ్లు అయ్యాయి. ఒకరు హైదరాబాద్‌లో.. మరో అమ్మాయి బెంగళూరులో ఉద్యోగాలు చేస్తున్నారు. అయితే, గురువారం ఉదయం గుండెపోటుతో వెంకటరామారెడ్డి హఠాన్మరణం చెందారు. ఈ విషయం తెలుసుకున్న వెంకటరమారెడ్డి కస్టమర్లు ఉదయమే ఆయన ఇంటి వద్ద వాలిపోయారు. వీరిలో వెంకటరామారెడ్డికి అప్పు ఇచ్చినవాళ్లు కూడా ఉన్నారు. వీరంతా ఉదయం నుంచి సాయంత్రం వరకు మృతదేహం వద్దే కూర్చుండిపోయారు. అయితే, తమ పెద్ద కూతురు వచ్చిన తర్వాత డబ్బులు గురించి మాట్లాడదామని వెంకటరామారెడ్డి భార్య అందరికీ సర్దిచెప్పారు. అయినా వారు వినలేదు. దీంతో పోలీసులు వచ్చి వారికి నచ్చజెప్పారు