ఏపీలో కొత్తగా ఆరు వరుసల రహదారి.. ఆ రూట్లోనే.. అయినా తప్పని తిప్పలు!

విశాఖ వాసులకు ట్రాఫిక్ కష్టాలు వీడటం లేదు. ఉదయం, సాయంత్రం వేళల్లో భారీగా ట్రాఫిక్ జామ్ అవుతోంది. ఆఫీసులు, కార్యాలయాలకు వెళ్లేవారితో పాటుగా విద్యార్థులు, ఇతర వాహనదారులు ఇబ్బందులు పడుతున్నారు. అయితే విశాఖలో ట్రాఫిక్ సమస్యకు చెక్ పెట్టేందుకు ఆనందపురం- అనకాపల్లి ఆరు వరుసల రహదారి నిర్మాణం చేపట్టారు. ఈ ప్రాజెక్టులో చాలావరకు పనులు పూర్తయ్యాయి. అయితే అధికారులు ఇంకా దీనిని డీ నోటిఫై చేయకపోవటంతో.. భారీ వాహనాలు విశాఖ నగరంలోకి వస్తున్నాయి. దీంతో ట్రాఫిక్ సమస్య తలెత్తుతోందని స్థానికులు వాపోతున్నారు.