అనంతపురంలో ఓడిపోవడానికి అవకాశమే లేదు, కానీ... ముఖ్యమంత్రి చంద్రబాబు ఆసక్తికర వ్యాఖ్యలు

ఏపీలోని జరిగిన మున్సిపల్, జిల్లా, మండల పరిషత్ ఎన్నికల్లో టీడీపీ నాయకత్వంలోని ఎన్డీయే కూటమి భారీ విజయం సాధించింది. అయితే, అనంతపురం కార్పొరేషన్, గిరిజన ప్రాంతాల్లోని ఎంపీటీసీ, జెడ్పీటీసీ సీట్లలో మాత్రం కూటమి పార్టీలకు వ్యతిరేక ఫలితాలు వచ్చాయి. ఈ నేపథ్యంలో సోమవారం అమరావతిలోని క్యాంపు కార్యాలయంలో సీఎం చంద్రబాబు నాయుడు మీడియా సమావేశం నిర్వహించారు. ఈ సందర్భంగా అనంతపురంలో వచ్చిన ఫలితంపై ఆయన చేసిన వ్యాఖ్యలు ఇప్పుడు చర్చనీయాంశంగా మారాయి.