అడ్డంకులను అధిగమించి.. తెర్లాం జడ్పీటీసీగా సిరి సహస్ర భారీ విజయం

ఎన్ని వివాదాలు, అడ్డంకులు వచ్చినా విజయనగరం జిల్లాలోని తెర్లాం జడ్పీటీసీ స్థానాన్ని సిరి సహస్ర సొంతం చేసుకున్నారు. జడ్పీటీసీ ఫలితాల్లో కూటమి బలపరిచిన టీడీపీ అభ్యర్థి సిరి సహస్ర భారీ విజయం సాధించారు. 6,651 ఓట్ల భారీ మెజార్టీతో గెలుపొందారు.దీంతో ఈ పరిణామం సిరిసహస్రపై వైసీపీ చేసిన ఆరోపణలకు ఓటర్లు ఇచ్చిన గట్టి చెంపపెట్టుగా రాజకీయ విశ్లేషకులు భావిస్తున్నారు. అయితే ప్రతిపక్షం వైసీపీ లేవనెత్తిన వివాదాలను, ఆరోపణలను తెర్లాం ఓటర్లు ఏ మాత్రం పట్టించుకోలేదని తాజా ఫలితాలు కచ్చితంగా చెబుతున్నాయి.