Nellore Deer: సినిమా హాల్లోకి వచ్చిన జింక

నెల్లూరు జిల్లా బుచ్చిరెడ్డిపాలెం నగర పంచాయతీలో వింత సంఘటన జరిగింది. జమీల సినిమా హాల్‌లో జింక ప్రత్యక్షమైంది. అడవిలో ఉండాల్సిన జింక సినిమా హాల్‌లోకి రావడంతో సిబ్బంది అవాక్కయ్యారు. సినిమా హాల్‌లోని టాయిలెట్స్‌లోకి జింక దూరడంతో.. వెంటనే అక్కడి సిబ్బంది స్థానిక అటవీశాఖ అధికారులకు సమాచారం ఇచ్చారు. వెంటనే అక్కడికి చేరుకున్న ఫారెస్ట్ సిబ్బంది జింకను బంధించి తీసుకెళ్లారు. ఎండాకాలం కావడంతో నీటి కోసమే వచ్చి ఉంటుందని అధికారులు భావిస్తున్నారు. ఇలా వచ్చే జంతువులకు హాని తలపెట్టకుండా ఉండాలని ఫారెస్టు అధికారులు సూచించారు. చికిత్స అనంతరం జింకను అడవిలోకి జింకను వదిలేస్తామన్నారు అధికారులు.